“YuTeyr” kompaniyasining Moskva — Krasnodar reysi bilan uchayotgan samolyoti bortida yo‘lovchi olamdan o‘tdi. Bu haqda “RBK” xabar bermoqda.

Layner rostovlik dispetcherlar javobgarligidagi hududda bo‘lib turganda ekipaj komandiri 66 yoshli yo‘lovchida yurak xuruji ro‘y bergani haqida ma’lum qildi. Shu sababga ko‘ra Rostov-Don aeroportida favqulodda qo‘nish haqida qarorga kelindi.

Samolyot qo‘ngach, shifokorlar brigadasi yetib keldi, biroq erkakni saqlab qolishning imkoni bo‘lmadi. U qo‘nishdan avval olamdan o‘tgani bildirilmoqda.