Liviya qo‘shinlari Sirtda IShIDning portlovchi moddalar ishlab chiqaruvchi zavodini qo‘lga oldi

Liviya milliy birdamlik hukumatiga bo‘ysunuvchi qo‘shinlar Sirt shahrida IShID guruhining portlovchi modda ishlab chiqaruvchi zavodi ustidan nazorat o‘rnatdi. Bu haqda, AFP’ga asoslanib, “TASS” xabar bermoqda.

12-may kuni boshlangan Sirtni ozod qilish operatsiyasi davomida qo‘lga olingan portlovchi modda ishlab chiqaruvchi zavodlar orasida bu eng kattasidir. U yerdan turli portlovchi uskunalar, simlar, mobil telefonlar, turli elektron jihozlar topildi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.