Eronda o‘tkazilayotgan aksilterror operatsiyasi natijasida 23 nafar terrorchi yo‘q qilindi

Islom inqilobi qo‘riqchilari korpusi tomonidan Eron shimoli-g‘arbida o‘tkazilayotgan aksilterror operatsiyasi natijasida 23 nafar terrorchi yo‘q qilindi. Bu haqda korpus qo‘mondonligi vakili, brigada generali Majid Arjumandfar ma’lum qildi, deya xabar beradi “TASS”.

Generalning bildirishicha, yaqingacha mintaqada beshta noqonuniy qurolli tuzilma harakat qilgan. Ulardan ikkitasi Kurdiston va G‘arbiy Ozarbayjon viloyatlarida to‘liq yo‘q qilindi. Iroq va Turkiya bilan chegaradosh tumanlarda jangarilar tayanch punktlari va bazalari aniqlandi. Omon qolgan jangarilarni ta’qib etish davom etmoqda.

Korpusning aksilterror operatsiyasi Eron shimoli-g‘arbida ikki oydan beri davom etmoqda. Uning asosiy maqsadi Kurdiston ishchi partiyasi ishtirokida mamlakat hududida qo‘poruvchilik faoliyatini olib borish uchun 2003-yilda tuzilgan “Pejak” guruhi otryadlarini yo‘q qilishdan iborat. Guruh jangarilari vaqti-vaqti bilan Eron rasmiylari vakillari, shuningdek, ruhoniylarga hujum uyushtiradi.

.