Langardan sakrash bo‘yicha ikki karra Olimpiada chempioni — rossiyalik Yelena Isinbayeva Xalqaro Arbitraj Sudining Rossiya Olimpiya Qo‘mitasini xalqaro musobaqalardan chetlatish qarori yuzasidan izoh berdi, deb yozmoqda “Sports.ru”.
“Sportchidan talab qilinadigani — me’yordagi kabi sakrash, test topshirish va munosib ishtirok etish. Yengil atletikani go‘rga tiqqanlarga rahmat! Bu siyosiy buyurtma. Hamma narsa Rossiya yengil atletika federatsiyasiga qarshi qaratilgan va ularning hech birida alohida sportchilarga nisbatan ayblov ko‘rinmaydi. Bu xo‘jako‘rsindan boshqa narsa emas”, — deydi Yelena Isinbayeva.
“Xalqaro Olimpiya Qo‘mitasi o‘z qarorini e’lon qilishga haqli. Ular o‘zlarini masalaga rad javobini bergandek tutishmoqda. Biroq alohida sportchilar masalasi borasida boshqacharoq qarorga kelish mumkin. Yana bir bor qaytaraman, hal qiluvchi qarorni Xalqaro Olimpiya Qo‘mitasi rahbari Tomas Bax qabul qiladi”, — deb fikrini yakunladi rossiyalik sportchi.
Avvalroq 14 ta mamlakat Rossiya olimpiya terma jamoasining Rio—2016 da ishtirok etmasligini so‘rab XOQga murojaat qilgan bo‘lib, bu ish yuzasidan Xalqaro Arbitraj Sudiga da’vo arizasi bergan Rossiya tomoni masalaga ijobiy javob ololmagandi.
Izoh (0)