Yaponiyaning Funai kompaniyasi VHS-kasseta ko‘rish uchun mo‘ljallangan videomagnitofonni oxirgi marta ishlab chiqarishini ma’lum qildi. Bu haqda Nikkei nashriga tayanib, “Korrespondent.net” xabar bermoqda.
Kompaniyada ma’lum qilinishicha, iste’molchilar tomonidan videomagnitofonga bo‘lgan qiziqish butunlay yo‘qqa chiqdi. Bundan tashqari, mahsulot ishlab chiqarish uchun kerakli tarkibiy qismlar topish ham tobora qiyinlashib bormoqda.
Funai videomagnitofon ishlab chiqarishda davom etayotgan dunyodagi yagona kompaniya bo‘lib turibdi. O‘tgan yili kompaniya 750 ming dona videomagnitofon sotishga muvaffaq bo‘ldi.
Videomagnitofonlar 1970-yillarda paydo bo‘lgan, ammo tez orada DVD texnologiyasi ularni bozordan chiqarib yubordi. Sony kompaniyasi 2002-yilda, JVC 2008-yilda, Panasonic esa 2012-yilda videomagnitofonlarni ishlab chiqarishni to‘xtatib qo‘ygandi.
Izoh (0)