AQSh muzeyi Armstrong Oyga qo‘nganda kiygan qo‘lqop va shlemni ko‘rgazmaga qo‘ydi
Vashingtonda joylashgan AQSh Aviatsiya va kosmonavtika milliy muzeyi ikki noyob eksponat bilan to‘ldirildi. 21-iyul, chorshanba kuni insoniyat tarixida Oyga birinchi bo‘lib qadam qo‘ygan amerikalik astronavt Nil Armstrongning qo‘lqop va shlemi ko‘rgazmaga qo‘yildi, deya xabar bermoqda “TASS”.
Muzey o‘z kolleksiyasining ushbu kengaytirishini Apollo 11 ekspeditsiyasining 47 yilligiga to‘g‘riladi. Ekspeditsiyaning komandiri Armstrong, ekipajning qolgan ikki a’zosi esa Bazz Oldrin va Maykl Kollinz bo‘lgan. Armstrong va Oldrin Eagle tushiriladigan modulida 1969-yilning 20-iyul kuni Oyga qo‘ngan edi.
Armstrongning shlem va qo‘lqoplari 2012-yildan buyon birinchi marta maxsus saqlanadigan joydan olinib, omma e’tiboriga havola etilmoqda. Ushbu nodir narsalar yana bir yil davomida muzeyda bo‘ladi. Shundan so‘ng ular yana saqlash uchun olib qo‘yiladi.
