Tennis bo‘yicha norasmiy jahon chempionati hisoblangan Devis Kubogi Jahon guruhining pley-off bosqichiga chiqqan 14 terma jamoa ishtirokida qur’a tashlash marosimi bo‘lib o‘tdi, deb xabar bermoqda “Sports.uz”.
Unga ko‘ra, Osiyo/Okeaniya mintaqalari ikkinchi saralash bosqichi doirasida Xitoy terma jamoasini 3:2 hisobida mag‘lubiyatga uchratgan O‘zbekiston termasi Jahon guruhi pley-off bosqichida Shveysariya terma jamoasiga qarshi Toshkentda bahs yuritadigan bo‘ldi.
Jahon guruhi pley-off bosqichida quyidagi terma jamoalar o‘zaro kuch sinashadi:
O‘zbekiston – Shveysariya;
Belgiya – Braziliya;
Avstraliya – Slovakiya;
Kanada – Chili;
Hindiston – Ispaniya;
Yaponiya – Ukraina;
Germaniya – Polsha.
Barcha pley-off uchrashuvlari shu yilning 16–18–sentabr kunlari nomi birinchi yozilgan mamlakatlar mezbonligida bo‘lib o‘tadi.
Izoh (0)