O‘zbekiston Markaziy banki 2016-yil 19-iyuldan boshlab valyuta operatsiyalari bo‘yicha buxgalteriya hisobi, statistik va boshqa hisobotlarni yuritish, shuningdek, bojxona va boshqa majburiy to‘lovlari uchun xorijiy valyutalarning so‘mga nisbatan yangi qiymatlarini belgiladi.
Unga ko‘ra, 1 AQSh dollari 2958 so‘m 87 tiyin etib belgilandi. Bu 12-iyuldagi kursga nisbatan 5 so‘m 3 tiyinga ko‘p.
19-iyuldan e’tiboran 1 yevro qiymati 3280 so‘m 62 tiyin (12-iyuldagi kursga nisbatan 1 so‘m 83 tiyin arzon), 1 Xitoy yuani 441 so‘m 74 tiyin (12-iyuldagi kursga nisbatan 5 tiyin arzon), 1 Rossiya rubli esa 46 so‘m 84 tiyin (12-iyuldagi kursga nisbatan 86 tiyin qimmat) etib belgilangan.
Eslatib o‘tamiz, valyuta qiymatini belgilash chog‘ida Markaziy bank mazkur valyutalarni ushbu qiymatda sotish yoki sotib olish majburiyatini olmagan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)