O‘n to‘rtinchi bor tashkil tashkil etilgan uysizlar o‘rtasidagi Jahon Chempionatida Meksika terma jamoasi g‘oliblikni qo‘lga kiritdi, deb yozdi turnirning rasmiy sayti.
Turnir finalida meksikalik uysiz erkaklar Braziliya terma jamoasini 6:1 hisobida mag‘lub etishga muvaffaq bo‘ldi. Gollandiya poytaxti Amsterdam shahrida bo‘lib o‘tgan 2015 yilgi Jahon Chempionatida ham g‘oliblik Meksikaga nasib qilgan bo‘lib, finalda Ukraina uysizlari 5:2 hisobida taslim etilgandi.
Xuddi erkaklar kabi Shotlandiyaning Glazgo shahrida bo‘lib o‘tgan uysiz ayollar o‘rtasidagi musobaqada ham g‘oliblik Meksika terma jamoasiga nasib qildi. Final o‘yinida Qirg‘izistondan tashrif buyurgan boshpanasizlarga qarshi kurash olib borgan Meksika 5:0 hisobida ustun keldi.
Uysizlar o‘rtasidagi Jahon Chempionati 2003-yildan buyon o‘tkazib kelinadi. UEFA va ko‘cha gazetalarining xalqaro tarmog‘i hamkorligidagi musobaqa uysiz sportchilarga moliyaviy ko‘mak sifatida tashkil etiladi.
“Korrespondent” ma’lumotiga ko‘ra, uysizlar o‘rtasidagi mundialda 52 mamlakatning 500 nafar a’zosi ishtirok etgan bo‘lib, turnirni Glazgoda 100 ming odam kuzatib borgan. Uning auditoriyasi esa umumiy 2 millionni tashkil qilgani aytilgan.
Izoh (0)