Armaniston poytaxti Yerevan chetidagi Erebuni tumanida bir guruh qurolli shaxslar politsiya binosini egallab oldi. Bu haqda “RIA Novosti” xabar bermoqda.
Aytilishicha, guruh vakillari Qorabog‘ mojarosi ishtirokchisi, “Yangi Armaniston” jamoat qutqaruv jabhasi yetakchisi, radikal muxolif siyosatchi Jirayr Sefilyanni hibsdan ozod etishni talab qilmoqda.
Bino oldiga qo‘shinlar olib kelindi. Politsiya matbuot xizmati rahbari Ashot Agaronyan yaqin orada IIV rasmiy bayonot bilan chiqishini ma’lum qildi.
Ayni paytda Erebuniga boradigan yo‘llar yopilmoqda.
Izoh (0)