O‘z lavozimini 13-iyul, chorshanba kuni egallagan Buyuk Britaniya bosh vaziri Tereza Mey 16-iyul, shanba kuni hukumatning yangi tarkibini shakllantirishda davom etdi, deb yozadi “TASS”.
U davlat vazirlari deb ataladigan to‘rt nafar amaldorni tayinladi. Ular muhim sohalarni nazorat qilib, o‘z muassasalari rahbari bo‘lmasa ham, vazirlar mahkamasi tarkibiga kiradi. Statusiga ko‘ra, ushbu lavozim vazirning birinchi o‘rinbosari lavozimiga yaqin.
Xususan, tashqi savdo vazirligi, sog‘liqni saqlash vazirligi, adliya vazirligi hamda biznes, energetika va sanoat strategiyasi masalalari bo‘yicha vazirlikning davlat vazirlari tayinlandi.
Izoh (0)