BMT Xavfsizlik kengashi Turkiyadagi to‘ntarish yuzasidan bayonotni Misrning taqiqi tufayli qabul qila olmadi

BMT Xavfsizlik kengashi Turkiyadagi isyon va zo‘ravonliklarni qoralovchi bayonotni qabul qilolmadi. Bu haqda “RBK” xabar bermoqda.

Bunga sabab Misrning “barcha tomonlar Turkiyadagi demokratik saylangan hukumatni hurmat qilishi lozim” degan iborani tasdiqlashdan bosh tortgani sabab bo‘ldi. Misr vakillariga ko‘ra, Xavfsizlik kengashi “bu yoki istalgan boshqa hukumatni demokratik yo nodemokratik ekanligiga baho berish vakolatiga ega emas”.

Shundan so‘ng Misr “Turkiyadagi barcha tomonlar demokratik va konstitutsiyaviy tamoyillar hamda qonun ustuvorligini hurmat qilishi lozim” degan variantni taklif etdi. Biroq AQSh va Buyuk Britaniya bayonot matniga o‘zgartirish kiritilishiga qarshi chiqdi.