“Metroloyiha” Toshkent shahrining Sirg‘ali tumanini shahar markazi bilan bog‘laydigan metroning yangi yo‘nalishini loyihalash ustida ish olib bormoqda. Bu haqda “Toshkent metropoliteni” davlat unitar korxonasi bosh muhandisi Baxtiyor G‘ulomov ma’lum qildi, deya xabar beradi O‘zbekiston Xalq-demokratik partiyasi sayti.
“Sirg‘ali yo‘nalishini loyihalash bilan ‘Metroloyiha’ instituti shug‘ullanmoqda. Qolgan masalalarni tegishli idoralar ko‘rib chiqmoqda. Metropoliten qurilishi ozmuncha mablag‘ bilan bitadigan ish emas, lekin loyiha — estakada uslubi bilan ‘Sputnik’ dahasigacha bo‘lgan yo‘nalish ishlab chiqilish jarayonida”, — deya ta’kidladi G‘ulomov.
Sirg‘ali tumanida metro qurilishi ma’lum muhandislik-geologiya sharoitlari tufayli qiyin masala. Shu sababli loyiha yo‘nalishni metroning “Olmazor” bekatidan boshlab “yengil metro” tizimida qurishga o‘zgartirildi.
Izoh (0)