“Madaniyat va ma’rifat” telekanalida begim kunlari soat 20:30 da namoyish etib kelinayotgan “Mahobhorat” seriali 12-iyuldan e’tiboran efirdan tushib qoldi.
TV-dasturlardan o‘rin olgan serial kunduz kuni soat 12:00 da takroran namoyish etib kelinayotgandi. O‘zbekiston milliy teleradiokompaniyasi saytining “Madaniyat va ma’rifat” telekanali uchun ajratilgan qismida serial namoyishi 13—14—15-iyul kunlarida ham bo‘lishi ko‘rsatilgan.
Biroq film 12—13-iyul kunlaridagi ko‘rsatilgani kabi efirga chiqmay, uning o‘rnida boshqa film namoyishi boshlangan. Avvalroq “Yoshlar” telekanali orqali namoyish etilgan boshqa bir hind seriali “Senga oshiqman” (“Ishani”) yakuniga yetmay turib efirdan olingandi.