Koreya Respublikasiga Amerikaning THAAD raketaga qarshi mudofaa majmualarining joylashtirilishi mamlakat Milliy majlisi (parlamenti) tomonidan ma’qullanishi talab etilmaydi. Bu haqda mamlakat tashqi ishlar vaziri Cho Chjun Xek ma’lum qildi, deb yozadi “TASS”.
“Ushbu jarayon konstitutsiyaning parlament Koreya Respublikasi qo‘shinlarining chet elga yuborilishini ham, chet el qo‘shinlarining mamlakatga joylashtirilishini ham ma’qullashi kerakligi haqidagi moddasiga mos tushmaydi”, — dedi u.
Avvalroq Janubiy Koreya tashqi ishlar vaziri Yun Byon Se AQShning mamlakatda o‘rnatiladigan THAAD raketaga qarshi tizimi uchinchi mamlakatlarga, jumladan, Rossiya va Xitoyga qarshi qaratilmasligini ma’lum qilgan edi.
Janubiy Koreya rasmiylariga ko‘ra, THAAD 2017-yil oxirigacha o‘rnatilishi mumkin. O‘z navbatida, Shimoliy Koreya rasmiylari qo‘shni davlatda raketaga qarshi tizimlar joylashtirilishi javob choralarisiz qolmasligini ma’lum qildi.
Izoh (0)