Krishtianu Ronaldu Yevro—2016 finalida jarohat oldi va uchrashuv 24-daqiqasida maydonni ko‘zda yosh bilan tark etdi

Parijdagi “Stad-de-Frans” stadionida 10-iyul, yakshanba kuni Toshkent vaqti bilan soat 23:59 futbol bo‘yicha 2016-yilgi Yevropa chempionati final uchrashuvi — Fransiya va Portugaliya terma jamoalari o‘rtasidagi bahs boshlandi.

Uchrashuvning 8-daqiqasida Portugadiya terma jamoasi sardori Krishtianu Ronaldu to‘p uchun kurashda Fransiya terma jamoasi yarim himoyachisi Dimitri Payet bilan to‘qnashib ketdi va jarohat oldi.

Shifokorlarning ketma-ket yordamiga qaramay, futbolchi o‘yinni davom ettira olmasligi ma’lum bo‘ldi va 24-daqiqada uni zambilda maydondan olib chiqib ketishdi. Ko‘zda yosh bilan chiqib ketgan Ronaldu o‘rniga Rikardu Kuarejma maydonga tushdi.

Слёзы на глазах Роналду. Уносят его

Финал Евро-2016
Португалия — Франция 0:0 pic.twitter.com/py7eFToXZD

— Матч ТВ (@MatchTV) July 10, 2016

https://twitter.com/Ramisms/status/752219461768228865

Krishtianu Ronaldu maydonni tark etgan vaqtda Fransiya — Portugaliya uchrashuvida hisob hali ochilmagan edi.

• Yevro—2016 finali — Fransiya va Portugaliya to‘qnashuvidan “Daryo” matnli onlayni

• Yevro—2016 finali bo‘yicha so‘rovnoma: bugun kim g‘alaba qozonadi — Fransiyami yo Portugaliya?