Rossiya Turkiyani savdo cheklovlarini bekor qilishda yordam ko‘rsatishga chaqirdi

Turkiya iqtisodiyot vaziri Nixat Zeybekchi bilan suhbat yakunlari bo‘yicha jurnalistlar oldida nutq so‘zlar ekan, Rossiya iqtisodiy taraqqiyot vaziri o‘rinbosari Aleksey Lixachyov ikki mamlakat savdo-iqtisodiy aloqalari haqida Moskvada Anqaraga qaratilgan ma’lum savollar borligini aytdi, deb yozadi “RBK”.

Uning so‘zlariga ko‘ra, gap Turkiyada o‘tkazilayotgan antidemping tekshiruvlari haqida bormoqda. “Shisha bo‘yicha Rossiyaga qarshi antidemping tekshiruvi bormoqda, va issiq usulda prokatka qilingan metall bo‘yicha navbatdagi tekshiruv o‘tkazilishi mumkinligi haqida ma’lumot bor”, — dedi Lixachyov.

Uning ta’kidlashicha, Rossiya Turkiyaga bunday tekshiruvlar o‘tkazishni taqiqlab qo‘ya olmaydi, biroq ular qanday o‘tkazilishini ayta olishi mumkin. Uning so‘zlariga ko‘ra, “yo‘l ikki tomonlama harakatdan iborat bo‘lishi kerak”.