Avstraliya bosh vaziri Malkolm Ternbull 10-iyul, yakshanba kuni matbuot anjumanida o‘zi boshchilik qilayotgan Liberal-milliy koalitsiyaning 2-iyulda bo‘lib o‘tgan parlament saylovlarida g‘alaba qozonganini e’lon qildi. Bu haqda “TASS” xabar bermoqda.
Ternbull bunday bayonot bilan chiqishiga ovoz berish natijalarini hisoblashda davom etayotgan milliy saylov qo‘mitasidan olingan xabarlar emas, balki leyboristlar yetakchisi Bill Shorten tomonidan partiyasi mag‘lubiyatini tan olishi sabab bo‘ldi.
Endi kelgusi haftada Ternbull bosh vazir sifatida qasamyod keltirishi va vazirlar mahkamasining yangi tarkibini shaklllantirishga kirishishi kutilmoqda.
Izoh (0)