KXDR Qo‘shma Shtatlar ma’muriyatini 1950—1953-yillarda Koreya yarim orolidagi urush davomida halok bo‘lgan amerikalik harbiy xizmatchilar jasadlarini qidirish va vataniga qaytarishni siyosiy muammolar bilan bog‘lab qo‘yishga urinishda aybladi. Bu haqda “TASS” xabar bermoqda.
KXDR TIV qoshidagi Amerika tadqiqotlari institutining eksperti Kim Nam Xekning bayonotida ma’lum qilinishicha, AQSh rasmiylarining fikricha, amerikalik harbiylarning jasadlarini qidirish va eksgumatsiya qilish bo‘yicha ishlarni qayta tiklashdan avval Pxenyan BMT Xavfsizlik kengashi rezolyutsiyasini bajarishga kirishish va provokatsiyani to‘xtatishi lozim.
Ekspert “KXDR Koreya hududida dahshatli jinoyatlarni sodir etgan amerikalik bosqinchilarning jasadi qoldiqlarini saqlash bo‘yicha zimmasiga hech qanday majburiyat olmagan”ligini eslatib o‘tdi.