Shveysariya harbiy-havo kuchlarining F-18 samolyotlari portlash xavfi tufayli Isroilning El Al aviakompaniyasi yo‘lovchi laynerini to‘xtatib qolish uchun safarbar qilindi, deb yozadi Le Matin. Samolyot Nyu-York — Tel-Aviv yo‘nalishi bo‘yicha reysni amalga oshirayotgan edi.
Bortdagi terakt xavfi haqidagi axborot Shveysariya harbiylariga fransiyalik hamkasblaridan kelib tushdi, ular esa bu ma’lumotni, o‘z navbatida anonim manbalardan qo‘lga kiritgan. Shveysariya bilan chegaragacha laynerni Fransiya qiruvchilari kuzatib bordi.
Shveysariyaning F-18 samolyotlari Isroil layneriga Avstriya bilan chegaragacha hamrohlik qildi, u yerda esa estafetani Avstriya tutuvchi samolyotlari qabul qilib oldi.
El Al aviakompaniyasi o‘z layneri bortida portlovchi qurilma borligini inkor qildi. Ehtimoliy terakt haqidagi ma’lumotni Shveysariyaning ushbu hududda havo harakatini tashkillashtirish uchun javobgar bo‘lgan Skyguide kompaniyasi ham tasdiqlamadi.
Izoh (0)