“Paxtakor” va O‘zbekiston milliy terma jamoasi hujumchisi Igor Sergeyev navbatdagi 6 oyni Xitoy Super Ligasida o‘tkazadi. Bu haqda “Championat.asia” sayti xabar berdi.
O‘zbekiston milliy terma jamoasi himoyachisi Yegor Krimets to‘p surayotgan “Beyjing Goan” klubi Igor Sergeyevni ijara asosida o‘z safiga qo‘shib oldi. Oldindagi 6 oy davomida hujumchining harakatlari ma’qul kelsa, shartnoma uzaytirilishi ham mumkin.
“Beyjing Goan” Turkiya terma jamoasi Yevro—2016 musobaqasidan chiqib ketgach hujumchi Burak Yilmaz bilan ham shartnoma imzolagandi. Bundan shu ma’lum bo‘ladiki, O‘zbekiston milliy terma jamoasining asosiy hujumchisi yangi klubida boshlang‘ich tarkibga kirish uchun Turkiya milliy terma jamoasining asosiy hujumchisi bilan raqobat hosil qiladi. Yilmaz—Sergeyev tandemi bir vaqtda maydonga tushishi ham ehtimoldan holi emas.
JCh—2018 3-saralash bosqichida O‘zbekiston bilan bir guruhdan joy olgan Xitoy Super Ligasida terma jamoaning yana bir himoyachisi Anzur Ismoilov ham to‘p suradi. O‘zbekiston Oliy Ligasida esa xitoylik futbolchi yo‘q.
Igor Sergeyev hamda Yegor Krimets jamoasi “Beyjing Goan” 16 ta jamoa ishtirok etadigan Xitoy chempionatining 1-davrasidan so‘ng 8-o‘rinni egallab turibdi.
Izoh (0)