Iroq ichki ishlar vaziri Muhammad Salom al-Gabbon mamlakat poytaxtida sodir bo‘lib, 200 dan ortiq kishini hayotdan olib ketgan terakt tufayli iste’fo berishga qaror qildi. Bu haqda vazirning o‘zi Bag‘doddagi matbuot anjumanida aytib o‘tdi, deb yozadi “TASS”.
Muhammad Salom al-Gabbon Iroq kuch muassasalari faoliyatida ijobiy natijalar yo‘qligi yuzasidan norozilik bildirdi. Uning so‘zlariga ko‘ra, xavfsizlik organlari bir-birlarining ishlariga aralashadi va shu orqali ishda to‘siqni yuzaga keltiradi.
“Xavfsizlik kuchlari manfaatlari to‘qnashishda davom etsa, Iroq xalqi bundan keyin ham azob chekaveradi”, — deb hisoblaydi vazir.
Eslatib o‘tamiz, 3-iyulga o‘tar kechasi Iroq poytaxtining Karrada tumanidagi shialar ziyoratgohi yaqinida avtomobil portlatilishi oqibatida qurbonlar soni, so‘nggi ma’lumotlarga ko‘ra, 213 kishiga yetdi. 200 dan ortiq kishi jarohat oldi.
Bag‘dodda sodir etilgan terakt qurbonlari xotirasiga umummilliy motam e’lon qilingan edi.
Izoh (0)