Toshkent Kichik halqa yo‘lining Taraqqiyot ko‘chasi bilan kesishuvidagi ko‘prikda olib borilayotgan rekonstruksiya ishlari 15 kunda tugatiladi
Toshkent shahar hokimligida 4-iyul, dushanba kuni navbatdagi brifing bo‘lib o‘tdi. Bu haqda shahar hokimligi axborot xizmati xabar bermoqda.
Brifingda Toshkent Kichik halqa yo‘lining Taraqqiyot ko‘chasi bilan kesishuvidagi yo‘l o‘tkazgichda rekonstruksiya ishlari olib borilayotgani munosabati bilan, harakat xavfsizligini ta’minlash maqsadida transport harakati vaqtincha to‘xtatilgani haqida axborot berildi.
Xabar berishlaricha, mazkur hududda olib borilayotgan ishlar 15 kun ichida nihoyasiga yetkaziladi.
“Ushbu vaqtinchalik noqulayliklar uchun shahar aholisi, harakat ishtirokchilaridan uzr so‘rab o‘tildi”, — deyiladi hokimlik axborotida.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
