Telegram messenjerida xonanda Ulug‘bek Rahmatullayevning avtohalokatga uchragani haqida xabarlar tarqalgan edi. Ulug‘bek Rahmatullayev Instagram’dagi sahifasida qoldirgan xabari orqali bu kabi gap-so‘zlarni rad etib chiqdi.
“Shunday ulug‘ ayyom kunda bunday buzuq niyatli insonlarga Alloh insof bersin! Qanday qilib bunday gapni o‘ylab topish mumkin, bilmadim”, — deb yozadi Ulug‘bek Rahmatullayev.
“Xudoga shukr, soppa-sog‘man. Bu suratdagi mashinalar egalari kimligini bilmadim, ammo Alloh ularning ishini oson qilsin, qolganlarga esa insof bersin!”, — deya qo‘shimcha qilgan xonanda.
Avvalroq Telegram messenjerida xonanda Sardor Rahimxonning vafot etgani haqida asossiz xabarlar tarqatish orqali Telegram-kanallarga yangi obunachilarni to‘plash amaliyoti boshlangan, biroq xonanda bu kabi xabarlarni rad etib chiqqan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)