CNN sayohat orqasidan millionlab dollar ishlayotgan bloger haqida gapirib berdi

CNN telekanali jahonning deyarli barcha davlatlariga sayohat uyushtirib, bu haqdagi hikoyalari orqasidan millionlab dollar topgan bloger haqida gapirib berdi. Bu haqda “RIA Novosti” yozmoqda.

Irlandiyalik Jonni Uord hissiyotga to‘la hayot yashashni istashini tan oladi. Bugungi kunda u millionlab dollar daromad oladigan kamdan-kam sayohatchi blogerlardan biridir.

Uning asosiy maqsadi dunyoning barcha davlatlariga borishdir. Oxirgi 10 yil ichida u 193 davlatda bo‘ldi. Sayohatlari haqida Uord o‘zining OneStep4ward sayti, shuningdek, ijtimoiy tarmoqlardagi sahifalari orqali hikoya qilib boradi.

“Men bu ishni qilgan ekanman, boshqa har qanday inson ham qila oladi. Bir kuni men shunchaki orzularimga ergashish va erkin hayot bilan yashash muhimligini tushundim. Mening tarixim insonlarni ko‘proq daromadim summasi tufayli o‘ziga jalb qilayotganidan afsusdaman”, — dedi u CNN’dagi onlayn intervyusida.

Uord sayohatlarini 2006-yilda, universitetni tamomlashi bilan boshladi. U Efiopiyadaligida reklama bo‘yicha birinchi taklifni qo‘lga kiritdi.

Sekin-asta uning blogi ommalashdi va katta daromad keltira boshladi. Vaqti kelib u oyiga 30 ming dollar topa boshladi, shaxsiy blogi esa kengayib, 250 saytdan iborat media resursga aylandi.

Hozirda Uord o‘z mediakompaniyasini boshqarib kelmoqda.