Bangladesh poytaxti Dakkadagi restoranga hujumda halok bo‘lganlar orasida AQSh fuqarosi ham bor. Bu haqda Davlat departamenti matbuot xizmati rahbari Jon Kirbining 2-iyul, shanba kuni tarqatilgan bayonotida ma’lum qilindi, deb xabar beradi “TASS”.
“Biz amerikalik fuqaro mazkur hujum davomida o‘ldirilganligini tasdiqlaymiz. Bangladesh hukumati bilan yaqin aloqadamiz. Rasmiylarga hujumga aloqador kimsalarni javobgarlikka tortishga qaratilgan harkatlarida yordamimizni taklif etdik”, — deb ta’kidlanadi bayonotda.
AQSh ma’muriyati nomidan Dakkada qurbon bo‘lganlarning oilasi va yaqinlariga hamdardlik bildirgan Kirbi Bangladeshda halok bo‘lgan fuqaroning shaxsi va u mazkur mamlakatda nima bilan shug‘ullanganiga aniqlik kiritmadi.
Izoh (0)