Serbiyaning Zrenyanin shahri yaqinidagi Jitishte aholi punktidagi otishmada besh kishi halok bo‘ldi, kamida 20 kishi yaralandi. Bu haqda 2-iyul, shanba kuni mamlakat ichki ishlar vaziri Neboyshi Stefanovich ma’lum qildi, deya xabar beradi “Vedomosti”.
Vazirga ko‘ra, Jitishtedan bo‘lgan 38 yoshli erkak qahvaxonalardan birida o‘t ochgan. U avvaliga turmush o‘rtog‘i va yana bir ayolni otib o‘ldirgan, shundan so‘ng qahvaxona xo‘randalariga qarata o‘q uzgan.
Politsiya erkakni qo‘lga olishga muvaffaq bo‘ldi. Uni jinoyatga undagan sabablar hozircha ma’lum emas.