Ramzan Qodirov Checheniston rahbari saylovlarida ishtirok etishga rozilik berdi

Rossiyaning Checheniston Respublikasi rahbari vazifasini bajaruvchi Ramzan Qodirov mintaqa rahbari saylovlarida ishtirok etishga rozilik berdi. Bu haqda u o‘zining Instagram’dagi sahifasi orqali ma’lum qildi, deb xabar bermoqda “RBK”.

“Qodir Alloh irodasi bilan Checheniston Respublikasi rahbari saylovlarida ishtirok etishga rozilik berdim. Hozirgina tegishli hujjatlarni saylov komissiyasiga topshirdim. Nomzod bo‘lishga roziligim haqidagi talabnomani taqdim etdim”, — deb yozdi u.

Siyosatchi barcha hujjatlar tekshirilib, talablarga mos deb tan olinganini e’tirof etdi.

“Bo‘lajak saylovlar jahon tajribasidagi eng haqqoniy va adolatli bo‘lishini rasman e’tirof etaman”, — qo‘shimcha qildi u.