Ukraina prezidenti Pyotr Poroshenko so‘nggi oy ichida Rossiya prezidenti Vladimir Putin bilan ikki marta gaplashganini aytdi, deb yozadi “Korrespondent.net”.
Poroshenko so‘zlariga ko‘ra, muhokamalar mavzusi Rossiya turmalaridagi va nazoratga olinmagan Donbass hududlaridagi ukrainaliklarni ozod etishga oid bo‘lgan.
“O‘nlab ukrainaliklar Ukraina pasportiga ega bo‘lgani uchungina Rossiya Federatsiyasi qamoqxonalarida yotibdi. Yuzlab ukrainaliklar bosib olingan hududlarda jinoiy hukumat asirlari sifatida yerto‘lalarda saqlanmoqda”, — dedi Ukraina prezidenti.
Uning ta’kidlashicha, Ukraina tomoni Minsk kelishuvlari, jumladan, asirdagilarni zudlik bilan ozod etish haqidagi qismiga rioya etilishini talab qiladi.
Izoh (0)