IShID terrorchi tashkiloti Bangladesh poytaxti Dakkada uyushtirilgan hujum uchun javobgarlikni o‘z zimmasiga oldi hamda akt chog‘ida 20 kishi o‘ldirilganini ma’lum qildi. Bu haqda “RBK” xabar bermoqda.
Eslatib o‘tamiz, kecha, 1-iyulda bir guruh qurolli kishilar shaharning diplomatik dahasidagi Holey Artisan Bakery restoraniga bostirib kirib, o‘t ochdi va ichkaridagi odamlarni garovga oldi. Operatsiya chog‘ida kamida 12 kishi, shu jumladan, ikki nafar chet el fuqarosi qutqarildi.
Rasmiy ma’lumotlarga qaraganda, otishma chog‘ida ikki nafar politsiya zobiti o‘ldirilgan, 30 ga yaqin odam jarohatlangan. Bundan tashqari, besh nafar jangari yo‘q qilingan, bir nafari qo‘lga olingan, yana ikki nafari qidirilmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)