Amerikalik ultra-marafonchi Din Karnasis Buyuk ipak yo‘li bo‘ylab yugurish maqsadida O‘zbekistonga yetib keldi. Bu haqda AQShning O‘zbekistondagi elchixonasi o‘zining Facebook’dagi sahifasida ma’lum qildi. Xabarda ta’kidlanishicha, marafon bugun, 1-iyul kuni boshlanadi.
“Jet lag (vaqtdagi farqlar tufayli bioritmlar buzilishi) va kam uyquga qaramasdan, Toshkentdagi birinchi kunim ajoyib o‘tdi”, — deb yozdi sportchi Facebook sahifasida va Toshkentda olingan qator suratlari bilan bo‘lishdi.
Eslatib o‘tamiz, 1-iyuldan 10-iyulga qadar afsonaviy ultra-marafonchi Din Karnasis Buyuk ipak yo‘li bo‘ylab O‘zbekiston, Qirg‘iziston va Qozog‘iston hududidan yugurib o‘tadi. AQSh Davlat departamenti tashkil etgan tadbir uch mamlakat mustaqilligining 25 yilligiga bag‘ishlanadi.
Izoh (0)