30-iyun kuni futbol bo‘yicha O‘zbekiston Oliy Ligasida 1-davraning so‘nggi tur bellashuvlari start oldi. “Obod” va “Paxtakor” klublari o‘rtasidagi Toshkent derbisida zafar quchgan mamlakatning amaldagi chempioni 1-davrani 4-o‘rindan pastroqda yakunladi.
“Obod”ga qarshi bellashuvda “paxtakorchilar” hisobda ortda borishiga qaramay, yakunda 4 ta gol urishga muvaffaq bo‘ldi. Gollarning barchasi o‘z vaqtida yoshlar o‘rtasidagi Jahon Chempionatida to‘p surgan futbolchilar hisobiga yozildi.
“Paxtakor” so‘nggi bor 2013-yilda Oliy Liganing birinchi darvasini 4-o‘rindan pastda, aniqrog‘i, 5-pog‘onada yakunlagan. O‘sha mavsum “Paxtakor” sovrindorlar orasiga kira olmay, mavsum so‘nggida finishga 4-o‘rinda yetib kelgan.
“Obod” ustidan qozonilgan g‘alaba mamlakatning so‘nggi ikki yillikdagi chempionini 5-o‘ringa olib chiqdi. Biroq “Qizilqum” o‘z ixtiyoridagi ikki o‘yinda zafar quchsa, “Paxtakor”ni 6-o‘ringa tushirib yuboradi.
“Paxtakor”ni O‘zbekiston Kubogidan chiqarib yuborgan va Oliy Liga doirasida ham mag‘lub etgan “Buxoro” 15-turda 1 ochko ishladi. G‘uzordagi bellashuvning 93-daqiqasida himoyachi Artyom Filiposyan buxoroliklarni mag‘lubiyatdan qutqarib qoldi.
15 imkoniyatdan 23 ochko to‘plagan “Buxoro” 6-o‘rinni egallab turibdi. “Sho‘rtan” esa qo‘lga kiritilgan 1 ochkosi evaziga 10-o‘ringa ko‘tarildi.
Kunning so‘nggi o‘yinida “Qo‘qon—1912” klubini mag‘lub etgan “Olmaliq” 21 ochko bilan 8-pog‘onada bo‘lsa, 9 ochkosi bor Qo‘qon klubi jadvalni pastdan boshlab o‘qiganda “Obod”dan keyin ikkinchi klub bo‘lib turibdi.
Oliy Liganing 15-tur bellashuvlari iyulning birinchi kunida yakun topadi. Shu kuni turning markaziy o‘yini Toshkent derbisi maqomida bo‘lib, chempionlik uchun kurash olib borayotgan “Lokomotiv” va “Bunyodkor” klublari o‘zaro to‘qnash keladi.
O‘zbekiston Oliy Ligasi 15-tur bellashuvlari 30-iyun, payshanba
“Obod” — “Paxtakor” 1:4
Gollar: Shohruz Norxonov, 15 (1:0). Sherzod Karimov, 27 (1:1). Igor Sergeyev, 39 (1:2). Jaloliddin Masharipov, 45 (1:3). Jamshid Iskandarov, 58-pen (1:4).Noaniq penalti: Shohruz Norxonov, 67 (O).“Sho‘rtan” — “Buxoro” 1:1
Gollar: Eldor Boymatov, 20 (1:0). Artyom Filiposyan, 90+3 (1:1).“Olmaliq” — “Qo‘qon—1912” 3:2
Gollar: Muhammad Isayev, 56 (1:0). Yevgeniy Gogol, 60 (2:0). Bahodir Akramov, 82 (2:1). Zohir Pirimov, 85 (3:1). Otabek Zokirov, 90+1 (3:2).1-iyul, juma“Mash’al” — “Nasaf”“So‘g‘diyona” — “Qizilqum”“Neftchi” — “Metallurg”“Lokomotiv” — “Bunyodkor”“Navbahor” — “Andijon”
Izoh (0)