O‘zbekiston Milliy paralimpiya assotsiatsiyasi AQShning O‘zbekistondagi elchixonasi bilan hamkorlikda 29-iyun, chorshanba kuni assotsiatsiyaning majlislar zalida amerikalik mashhur ultramarafon sport ustasi Din Karnasis ishtirokida o‘zbekistonlik paralimpiyachilar uchun seminar-trening tashkillashtirdi. Bu haqda assotsiatsiya matbuot xizmati “Daryo”ga ma’lum qildi.
Ushbu seminar-treningda O‘zbekiston Milliy paralimpiya assotsiatsiyasining murabbiylari, terma jamoa a’zolari hamda Toshkent shahridagi imkoniyatlari cheklangan bolalar uchun maxsus maktab-internati tarbiyalanuvchilari, jami 50 dan ortiq ishtirokchi qatnashdi.
Seminar-trening so‘ngida Din Karnasis O‘zbekiston mustaqilligining 25 yilligi munosabati bilan 1-iyuldan Buyuk Ipak yo‘li bo‘ylab (Toshkentdan Qozog‘iston va Qirg‘izistongacha) yugurishini ma’lum qildi va tadbir ishtirokchilariga u bilan birga qisqa masofani bosib o‘tishni taklif etdi.
Izoh (0)