Bugun,

  • USD 11014.01
  • RUB 191.8
  • EUR 10674.78

Amerikaning Forbes jurnali AQShning eng boy oilalari reytingini e’lon qildi, deb yozadi “RBK”.

Uoltonlar. Foto: AP

Uoltonlar. Foto: AP

Ro‘yxatda Uoltonlar oilasi yetakchilik qildi — ular 2014-yil, Forbes amerikalik badavlat sulolalar boyligini baholashni boshlagan vaqtdan buyon birinchilikni saqlab kelmoqda. Nashr hisob-kitoblariga ko‘ra, dunyodagi eng yirik Wal-Mart reteyleriga asos solgan Jeyms va Sem Uoltonning yetti merosxo‘ri hisobiga jami 130 milliard dollarlik mol-mulk to‘g‘ri keladi. O‘tgan yili esa Forbes Uoltonlar davlatini 149 milliard dollarga baholagan edi.

Reytingning ikkinchi pog‘onasini Koxlar oilasi o‘zida saqlab qoldi. Aka-uka Charlz va Devid Kox AQShdagi ikkinchi eng yirik xususiy kompaniya — Koch Industries’ni boshqaradi. Ular yana ikki ukasi bilan, Forbes hisob-kitoblariga ko‘ra, 82 milliard dollarlik mol-mulkka egalik qiladi (2015-yilda — 86 milliard dollar).

Yuqori uchlikka M&Ms va Snickers ishlab chiqaruvchilari egasi — Marslar oilasi yakun yasadi. Mars Inc. asoschisi Franklin Klarens Marsning uch nabirasi jami qiymatda 78 milliard dollarga egalik qiladi (2015-yilda — 80 milliard dollar).

Amerikaning eng boy oilalari a’zolarining umumiy boyligi bir yil ichida 11 milliard dollarga — 722 milliard dollargacha kamaydi. O‘nta sulola o‘z davlatini oshirishga muvaffaq bo‘ldi. Reytingga kirish uchun chegara 10,7 milliard dollarga teng bo‘ldi.

Izoh
Asosiy yangiliklar
Mahalliy
O‘zbekistonda dam olish kunlari qanday ob-havo bo‘ladi?
Dunyo
“Rossiyani fojiadan, rus armiyasini bo‘lsa xo‘rlikdan qutqarish imkoningiz haliyam bor”. Ukraina Mudofaa vaziri rus harbiylarini zudlik bilan jangdan bosh tortishg...
Mahalliy
“Xodimlar o‘zboshimchalik bilan qoidalarni buzgan” — Qashqadaryoda elektromontyor tok urishidan vafot etgani yuzasidan rasmiy ma’lumot berildi