Yevroittifoq Buyuk Britaniya ittifoq tarkibidan chiqqanidan so‘ng Londondan Yevropa bank boshqarmasi (EBA, European Banking Authority) shtab-kvartirasini Parij yoki Frankfurtga ko‘chiradi. Bu haqda Reuters manbalariga tayanib, “TASS” xabar bermoqda.
“Multivalyutali birlashuv tugadi. Shu sababli Yevropa bank boshqarmasi Parij yoki Frankfurtga ko‘chib o‘tganini ko‘rasiz”, — deya ta’kidlagan Yevroittifoq vakili.
O‘z navbatida, Yevropa markaziy banki (European Central Bank) kliring palatalari yevrohududda bo‘lishini talab etmoqda. Vakilning bildirishicha, “bu ertaga, ikki haftadan keyin emas, biroq yaqin ikki yil ichida sodir bo‘ladi”.
Izoh (0)