Germaniya federal kansleri Angela Merkel Yevroittifoq Rossiyaning Ukrainadagi siyosati tufayli, unga qarshi sanksiyalarni yana yarim yilga uzaytirish niyatida ekanligini tasdiqladi, deb yozadi “Vedomosti”.
Merkel o‘t ochishni to‘xtatish rejimiga rioya qilinmaganini ro‘kach qildi. Uning so‘zlariga ko‘ra, u Fransiya prezidenti Fransua Olland bilan birgalikda Yevropa yetakchilariga sanksiyalarni uzaytirish zarurligini yetkazgan.
Merkelning aytishicha, Yevroittifoq yetakchilari sammitida sanksiyalar mavzusiga juda kam vaqt ajratilgan. Yevropa Kengashi rahbari Donald Tusk Rossiyaga qarshi sanksiyalarga bag‘ishlangan keng muhokamani oktabrda o‘tkazishga va’da berdi.
Iqtisodiy sanksiyalarning joriy muddati 31-iyulda tugaydi. Ular 2017-yil yanvari oxirigacha uzaytiriladi.
Izoh (0)