Rossiya va Turkiya prezidentlari Vladimir Putin va Rajab Toyyib Erdo‘g‘on Kreml tashabbusi bilan 29-iyun, chorshanba kuni telefon orqali muloqot qiladi. Bu haqda Putinning matbuot kotibi Dmitriy Peskov bayonot berdi, deb yozmoqda “TASS”.
U telefon suhbati taxminan kun o‘rtasida bo‘lib o‘tishini qo‘shimcha qilib o‘tdi.
Kecha, 27-iyun kuni Peskov Erdo‘g‘on Rossiyaning urib tushirilgan Su-24 samolyoti uchuvchisining halokati uchun Putindan uzr so‘rab maktub yo‘llaganini aytgan edi. Bir muddatdan so‘ng Erdo‘g‘onning matbuot xizmati bu axborotni tasdiqladi.
Matbuot anjumani chog‘ida Peskov Putin Erdo‘g‘onga javob maktubi yo‘llash-yo‘llamasligi masalasiga oydinlik kiritmadi.
Izoh (0)