Fiat kompaniyasi Fiat 500 kompakt-karining maxsus modifikatsiyasini taqdim etdi, uni kompaniya “dunyodagi eng kichkina yaxta” deb atadi. Bu haqda Motor xabar berdi. Yaxta ishlab chiqaruvchi Riva kompaniyasi bilan hamkorlikda ishlab chiqilgan yangi model 500 nusxada chiqariladi.
Fiat 500 maxsus versiyasi Riva yaxtalari uslubida yasalgan. Avtomobil eksklyuziv ko‘k rangga bo‘yalgan, uning kuzoviga esa ikkita ingichka yashil chiziq chizilgan, bunday chiziqlar qayiqlar korpusiga ham chiziladi.
Bundan tashqari, kompakt-kar yangi 16 dyuymli g‘ildirak disklari, xromlangan korpusli orqani ko‘rish ko‘zgulari, eshik ochqichlariga ega bo‘ldi.
O‘rindiqlarga fil suyagi rangidagi charm qoplangan, old panel esa tabiiy qizil yog‘ochdan tayyorlangan. Fiat 500 Riva’ni ham xetchbek, ham kabriolet ko‘rinishida buyurtma qilish mumkin.
Izoh (0)