Turkiya bosh vaziri Binali Yildirimning ma’lum qilishicha, Turkiya hukumati Rossiyaning urib tushirilgan Su-24 samolyoti uchun faqatgina uzr so‘raydi, deb xabar bermoqda “RBK”.
“Biz bo‘lib o‘tgan voqea yuzasidan Rossiyaga afsusda ekanimizni bildirdik”, – deya ma’lum qildi bosh vazir Turkiya parlamentida deputatlar oldida qilgan chiqishida.
Parlamentdagi chiqishi davomida Yildirim Moskva va Anqaraning munosabatlari yaxshilanishi haqida to‘xtalib o‘tdi.
“Rahbarlar o‘rtasidagi bilvosita aloqa nihoyat o‘z samarasini berdi. Turkiya va Rossiya o‘rtasidagi munosabatlarning tiklanish jarayoni boshlanganini aytish mumkin”, – dedi Turkiya bosh vaziri.
Oldinroq Turkiya bosh vaziri Binali Yildirim Turkiya Rossiyaga urib tushirilgan Su-24 uchun tovon puli to‘lashga tayyorligini aytgandi.
Eslatib o‘tamiz, Turkiya prezidenti Rajab Toyyib Erdo‘g‘on Rossiyaning urib tushirilgan Su-24 samolyoti uchuvchisining o‘limi munosabati bilan Vladimir Putindan uzr so‘radi.
Izoh (0)