OAV: Isroilda 2 nafar bola yopiq mashinada issiqdan nafasi qaytib olamdan o‘tdi

Isroilda ota-onasi yopiq avtomobilda bir necha soatga qoldirib ketgan ikki va uch yoshli ikki bola issiqdan nafasi qaytib halok bo‘ldi. Bu haqda, “Gaarets” gazetasi ma’lumotiga tayanib, “TASS” xabar berdi.

Nashrning ma’lum qilishicha, ikki nafar bola Isroil janubidagi Al-Said qishlog‘ida avtomobilda unutib qoldirilganligi oqibatida olamdan o‘tdi. Shifokorlar bolalarning yopiq mashinada bir necha soat davomida qoldirilganligini qayd etdi. Issiqdan dimiqib qolgan bolalarni jonlantirish uchun qilingan harakatlar natija bermadi.

Ma’lum qilinishicha, bir oy avval Ashdodda (Isroil janubi) bir yoshli bolakay otasi bog‘chaga olib borishni unutib, mashinada uch soatga qoldirib ketganligi uchun hayotdan ko‘z yumgan edi.