UzReport-TV telekanalida Yevro—2016 bellashuvlarini o‘zbek tilida to‘rt sharhlovchi sharhlab bormoqda. Telekanal qamrov doirasini kengaytirib borgani sayin, sharhlovchilar uslubi va ularning sharhi ijtimoiy tarmoqlarda keng muhokama qilinmoqda.
UzReport-TV’ga qadar O‘zMTRKning “Sport” kanalida faoliyat olib borgan Davron Fayziyev futbol uchrashuvlarini bir necha yillardan buyon sharhlab boradi. Yevro—2016 sharhlarida Fayziyevga tandem bo‘layotgan Alisher Uzoqov esa futbol sharhlovchiligida debyut qildi.
Bunga qadar aktyor sifatida tanilgan Alisher Uzoqov o‘zini rejissorlik va xonandalikda ham sinab ko‘rdi. Hattoki Toshkentning “Istiqlol” klubi futbolchisi sifatida to‘p ham tepdi. Endilikda Yevro—2016 bellashuvlari translyatsiyada ish olib bormoqda.
O‘zbekiston futbol federatsiyasi matbuot kotibi Sanjar Rizayev ham futbol sharhlovchiligiga UzReport-TV orqali qadam qo‘ydi. Yoqubjon Bobojonov Yevropa chempionatiga qadar Davron Fayziyev bilan tandemda Angliya Premyer-ligasi va Yevropa Chempionlar Ligasi translyatsiyalarida ishlagan bo‘lsa, endilikda bir o‘zi futbol uchrashuvlarini sharhlashga kirishdi.
[playbuzz-item playbuzz_url="muhrima10/sport-telekanalida-faoliyat-olib-bormay-turib-futbol-sharhlovchiligini-boshlagan-triodan-qay"]
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)