Qozog‘iston janubida otishma sodir bo‘ldi

Qozog‘iston janubidagi Jambil viloyatining ma’muriy markazi — Taraz shahrida yuz bergan otishmada politsiya xodimi va yana bir kishi jabrlandi, deb yozadi “TASS” viloyat ichki ishlar departamentiga tayanib.

Tarazdagi mitti tumanlardan birida “Borishker” tezkor-profilaktika tadbirlari doirasidagi tekshiruv paytida noma’lum shaxs politsiya xodimiga qarata o‘t ochgan. Politsiyachi uni qo‘lga olish jarayonida yaralagan.

Yovuz niyatli kishi ham, tartib posboni ham kasalxonaga yotqizilgan. Politsiya ma’lumotlariga ko‘ra, hibsga olingan shaxs politsiya ro‘yxatida turgan. Muassasadagilar aniqlik kiritishicha, u diniy ekstremist emas.

Ayni paytda hodisa sodir bo‘lgan vaziyat va uning barcha ishtirokchilarini aniqlash bo‘yicha tadbirlar olib borilmoqda.