Buyuk Britaniyada qirolicha oilasiga tegishli bo‘lgan yer-mulk 30 mln funtga sotuvga qo‘yildi

Buyuk Britaniyada qirolicha Yelizaveta II bobo va buvisining yer-mulki 30 million funt sterlingga (44 million dollar atrofida) sotuvga qo‘yildi. Xartfordshir grafligidagi Woolmers Park Estate tarixiy va me’moriy yodgorlik hisoblanadi, deya xabar beradi “Vedomosti”. 

Woolmers Park Estate 1730-yildan so‘ng qurilgan. 1927-yilda qirollik oilasi ixtiyoriga o‘tgan va oila a’zolari bu yerda ikkinchi jahon urushiga qadar aksariyat vaqtini o‘tkazgan. 1949-yilda qirollik oilasi yer-mulkni sotib yuborgan, hozirgi egasi esa uni 1997-yilda xarid qilgan. 

Yer-mulk hududining umumiy maydoni 94 gektardan iborat. Bu yerdagi imoratlarda beshta mehmonxona, sakkizta yotoqxona, shuncha yuvinish xonasi mavjud. Shuningdek, xodimlar uchun alohida kvartira, ochiq va yopiq basseyn, otxona, garajlar, polo o‘yini uchun to‘rtta maydon joylashgan.