Boshqa yurtga samolyotda safar qilganda, iftor qaysi vaqt asosida qilinadi?

Islom.uz saytining savol-javoblar bo‘limiga joylangan savolda foydalanuvchi ro‘zador odam bir yurtdan ikkinchi yurtga samolyotda safar qilsa, iftorni qaysi vaqt asosida qilishi bilan qiziqdi.

“Ro‘zani ochish-ochmaslik quyoshning botgan-botmaganligiga bog‘liqdir. Taqvimlarda yozilgan vaqtlar faqatgina pastdagi kishilar uchundir. Shuning uchun baland uyda yashovchilar yoki minora, tog‘ kabi baland joyda turganlar pastdagi kishilar bilan bir xil vaqtda og‘iz ochmaydi, balki turgan joylarida quyosh botganiga guvoh bo‘lsagina og‘iz ochadi. Samolyotda ketayotganlar ham vaqt e’tiboridan emas, balki quyosh botganiga qarab og‘iz ochadi”, — deya javob berdi sayt ma’muriyati.