Tibetda 8 kishi ko‘chki ostida qolib ketdi

Tibet muxtor tumanidagi (Xitoy) Paldendze qishlog‘ining 9 nafar fuqarosi 17-iyun, juma kuni ko‘chki ostida qoldi. Bu haqda “TASS” xabar bermoqda.

“Sinxua” agentligiga ko‘ra, hodisadan keyin qutqaruvchilar jiddiy jarohat olgan bir kishini chiqarib olishga muvaffaq bo‘lgan. Qolganlar hozircha bedarak yo‘qolgan deb hisoblanmoqda.

Ma’lum bo‘lishicha, tog‘da kuchli yomg‘ir ostida qolgan dehqonlar g‘orga yashiringan payt ularni to‘satdan ko‘chki bosib qolgan.

Qutqaruv operatsiyasi davom etmoqda.