Ozarbayjon prezidenti Ilhom Aliyev Tog‘li Qorabog‘ mojarosi yaqin orada tinchlik bilan hal etilishiga umid qilmoqda. Bu haqda u Kavkaz musulmonlari diniy boshqarmasi raisi shayxulislom Ollohshukur Poshshozoda tomonidan uyushtirilgan iftorlik marosimida ma’lum qildi, deb xabar beradi “TASS”.
Aliyevning bildirishicha, 20-iyun kuni Sankt-Peterburgda Rossiya, Ozarbayjon va Armaniston prezidentlarining uchrashuvi bo‘lib o‘tadi.
“Mazkur muammo tinch yo‘l bilan hal etilishi mumkin va zarur. Buning uchun aniq qadamlar qo‘yish vaqti keldi. Agar kimdir yana 20 yil behuda muzokaralar olib borishda davom etishimizga umid qilayotgan bo‘lsa, adashadi. Biz ma’nisiz, go‘yoki nimadir bo‘layotgandek taassurot qoldiradigan muzokaralar olib borish niyatimiz yo‘q. Zudlik bilan, hech qanday gap-so‘zsiz ma’no-mazmunga ega muzokaralar boshlanishi zarur. Shundagina muammo tinchlik yo‘li bilan hal etilishiga yaqinlashish mumkin”, — ta’kidladi Aliyev.
Izoh (0)