Hindistonning Haydarobod shahrida poliomiyelit xastaligining virusi aniqlangandan so‘ng zudlik bilan 300 mingga yaqin bolani unga qarshi emlash rejalashtirilmoqda. Bu haqda, Hindiston Sog‘liqni saqlash vazirligi bayonotiga tayanib, “TASS” xabar bermoqda.
Boshqarmaning ma’lum qilishicha, virus shtammi Sekunderobod temir yo‘l stansiyasi yaqinidagi oqar suvdan olingan namunada aniqlangan. Biroq ushbu hududda yashovchi barcha bolalar ko‘zdan kechirilganda, birortasi ham mazkur xastalikka chalinmagani aniqlangan.
Shunga qaramasdan, 30—40 yil avval har yili 50 mingdan ortiq hindistonlik bolaning halok bo‘lishiga olib kelgan ushbu kasallikning yangidan avj olishini istisno etish va oldini olish chorasi sifatida Haydarobod va qo‘shni viloyatlarda olti haftalikdan uch yoshgacha bo‘lgan barcha bolalar emlanadi.
Izoh (0)