Bugun,

  • USD 11095.31
  • RUB 173.84
  • EUR 10772.44

Taniqli aktyor va xonanda Javohir Zokirov Facebook’dagi sahifasida “Bolalar” guruhining dastlabki kliplaridan biri — “Esingdami seni qish kunlari” nomli taronaga ishlangan videodan parcha e’lon qildi. Mazkur xabar tayyorlanayotgan vaqtda videoga 4 mingga yaqin layk va munosabat bildirilgan, 3 mingga yaqin marta ulashilgan, video ostida esa 270 dan ortiq komment yozilgan edi.

Kadr: Facebook

Kadr: Facebook

Klipning boshida “Bolalar” guruhi asoschisi Javohir Sodiqov: “Hammaga salom!”, — deb paydo bo‘ladi va guruhni tomoshabinga tanishtiradi.

[fbvideo link="https://www.facebook.com/DjavahirZakirov/videos/628763263950073/" width="600" height="400" onlyvideo="1"]

“Sizning xizmatingizda Toshkentning eng zo‘r, ‘samiy diskotechniy’ gruppasi — “Bolalar”! O‘zbekiston yoshlariga 1990-yil yanvar oyida yozilgan qo‘shig‘imizni hadya etamiz. Rahbarimiz — Ruslan Sharipov. Bizning solistlar — Tohir Sodiqov, Bahodir Po‘latov va men — Javohir Zokirov. Qani bolalar, boshladik!”, — Javohir Zokirov shu so‘zlarni aytganidan so‘ng, ekranda Tohir Sodiqov paydo bo‘lib, qo‘shiqni kuylay boshlaydi.

Video, katta ehtimol, so‘nggi vaqtlarda ba’zi suratlari tarqalib, muhokamalarga sabab bo‘lgan O‘zbekistonda xizmat ko‘rsatgan artist Ruslan Sharipovning sermahsul ijodini yodga olish maqsadida e’lon qilingan. Video ostidagi kommentlarda ham ba’zi foydalanuvchilar Ruslan Sharipovning katta iqtidor sohibi bo‘lganini qayd etib o‘tgan.

Kadr: Facebook

Kadr: Facebook

Video haqidagi aksariyat fikrlar xotiraviy bo‘lib, quvnoq kayfiyatda yozilgani sezilib turadi. “Hozir bu klipni ko‘rib, guruh a’zolarining o‘zi o‘zidan hayratda bo‘lsa kerak”, — deb yozadi bir foydalanuvchi. Foydalanuvchilarning biri: “Shunaqa raqs harakatlari moda bo‘lgan edi-da o‘sha vaqtlar”, — deb fikr bildirgan bo‘lsa, boshqasi: “Qizlar Tohirni deb aqldan ozardi! Eh, ajoyib damlar edi!”, — deb yozgan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.

Izoh
Asosiy yangiliklar
Dunyo
Trampning sobiq maslahatchisi prezident saylovida qatnashishga tayyorligini bildirdi
Madaniyat
“Kuniga 1 000 dollar topganda talash bo‘lgan ota keksayganda hech kimga kerak bo‘lmay qoldi” — Bobomurod Hamdamovning kelini oiladagi kelishmovchiliklar haqida (vi...
Sport
Braziliya terma jamoasi ketma-ket 8-marta mundial chorak finaliga chiqdi