Fransiyada davom etayotgan Yevro—2016 musobaqasida 1-tur bellashuvlari o‘z yakuniga yetdi. U gollarga boy bo‘lmadi. Shunga qaramay futbol muxlislari bir qator chiroyli gollarni tomosha qildi.
Quyida 1-tur doirasida kiritilgan 6 ta gol tanlab olindi. Sizningcha, ularning qaysi biri birinchi pog‘onaga loyiq?
1. Dimitri Payet
Fransiya va Ruminiya terma jamoalari ishtirokidagi ochilish o‘yinida “Vest Hem” klubi a’zosi mezbonlarni durang natijadan qutqarib qoldi va 87-daqiqaga kelib Fransiyaga g‘alaba keltirgan golga mualliflik qildi.2. Garet Beyl
Uels terma jamoasining muvaffaqiyatiga ko‘pchilik shubha bilan qaragan bo‘lishi mumkin. Jamoa yetakchisi esa sheriklarini olg‘a boshlay oldi. Uning jarima zarbasidan urgan goli uelslik futbolchilarning ruhiyatini ko‘tarib yubordi.3. Luka Modrich
Xorvatiya terma jamoasining markazi ajoyib futbolchilardan tashkil topgan. “Real” hamda “Barselona” klubi a’zolari to‘p suradigan chiziq Turkiyaga erkin harakatlanish imkonini bermadi. Qo‘shimchasiga Luka Modrichning ajoyib zarbasi xorvatlarga g‘alaba keltirdi.4. Eriy Dayer
Dayerning ajoyib zarbasi Angliya terma jamoasiga 3 ochko keltirmagan bo‘lsada, gol ko‘pchilikning yodida saqlanib qoladigan bo‘ldi. Ayniqsa, uchrashuv oldidan zo‘ravonlikni boshlab yuborgan rossiyaliklik ishqibozlar uchun bu ajoyib javob edi.5. Uesli Xulexan
Irlandiya terma jamoasi Yevroni kutilganidan ancha ishonchli boshladi. Shvetsiyaga qarshi o‘yinda tayyor g‘alaba qo‘ldan chiqqan bo‘lsada, Xulexanning Premyer-liga isi kelib turgan golini shvedlar hali uzoq eslab yurishadi.6. Emmanuele Jakkerini
Italiya terma jamoasi o‘ziga shubha bilan qaragan barchaga munosib javob bera oldi. Belgiya terma jamoasi darvozasiga kiritilgan birinchi goldan ko‘ra, unga Bonuchchi tomonidan uzatilgan pas san’at asari darajasida edi.[playbuzz-item playbuzz_url="muhrima10/sizningcha-yevro-2016-guruh-bosqichi-1-turidagi-qaysi-gol-eng-chiroyli"]
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)