Politsiya Orlandodagi tungi klubga uyushtirilgan hujum oqibatida 20 kishi halok bo‘lganini ma’lum qildi

Orlando (Florida shtati, AQSh) politsiyasi rahbari Jon Mina matbuot vakillari uchun uyushtirilgan brifing chog‘ida noma’lum shaxs tomonidan tashrifchilari o‘qqa tutilgan va garovga olingan Pulse klubida 20 kishining jasadi topilganini ma’lum qildi. Bu haqda, politsiya boshqarmasining Twitter’dagi rasmiy sahifasiga tayanib, “RBK” xabar bermoqda.

Shuningdek, hujum oqibatida 42 kishi yaralangani aytilmoqda.

Ilgariroq noma’lum shaxs klubda o‘t ochib, tashrifchilarni garovga olgani xabar qilingan edi. OAV yaralanganlar soni 20 kishidan oshishini xabar qilgan, voqea guvohlari esa ijtimoiy tarmoqlar orqali otishmada qurbon bo‘lganlar ham borligini e’tirof etgan edi.

Jinoyatchi bilan otishmada to‘qqiz politsiyachi ishtirok etdi. Jinoyatchi otib o‘ldirildi.

Tungi klubda sodir etilgan jinoyatni politsiya boshqarmasi rahbari “ichki terrorchilik” deb baholadi.

Jinoyatchining motivlari hozircha aniqlangan emas. Uning sheriklari bo‘lgan-bo‘lmagani ham noma’lum.